اسلام آباد ویمنز ٹینس چیمپئن شپ: سنگلز سیمی فائنلز میں فرانس اور تھائی لینڈ کی کھلاڑی فاتح

اسلام آباد: ڈبلیو15 اسلام آباد جنید فیملی فاؤنڈیشن ورلڈ ٹینس ویمنز چیمپئن شپ 2026 کے ویمنز سنگلز سیمی فائنلز میں فرانس اور تھائی لینڈ کی کھلاڑیوں نے کامیابی حاصل کر لی۔

ٹورنامنٹ کا دوسرا مرحلہ پاکستان ٹینس فیڈریشن ٹینس کمپلیکس، اسلام آباد میں جمعہ کو بھی جاری رہا۔ اس بین الاقوامی ٹورنامنٹ میں 17 ممالک کی 31 کھلاڑی شرکت کر رہی ہیں۔

شریک ممالک میں فرانس، چین، روس، ڈنمارک، میکسیکو، ازبکستان، جنوبی افریقہ، نیدرلینڈز، کوریا، نیپال، جاپان، ہانگ کانگ، جرمنی، تھائی لینڈ، ترکیہ، جمہوریہ چیک اور پاکستان شامل ہیں۔ ٹورنامنٹ کی سرپرستی جنید فیملی فاؤنڈیشن کر رہی ہے، جس کے بھرپور تعاون سے پاکستان میں بین الاقوامی ٹینس کے فروغ اور ترقی میں مدد مل رہی ہے۔

سنگلز سیمی فائنلز

آسٹرڈ سیروٹ (فرانس) نے رو ڑی وو (چین) کو 5-7، 4-6 سے شکست دی۔

کامونوان یوڈپیچ (تھائی لینڈ) نے ووزوکو مدلووا (جنوبی افریقہ) کے خلاف 2-6، 7-5، 4-2 کے اسکور پر کامیابی حاصل کی۔ مخالف کھلاڑی نے انجری کے باعث مقابلہ ادھورا چھوڑ دیا۔

ڈبلز سیمی فائنلز

کامونوان یوڈپیچ (تھائی لینڈ) اور رو ڑی وو (چین) نے آسٹرڈ سیروٹ (فرانس) اور سباستیانی لیون (میکسیکو) کو 1-6، 4-6 سے شکست دی۔

اناستاسیا کوپاریو (جرمنی) اور سیویل یولداشیوا (ازبکستان) کو ووزوکو مدلووا اور وارونا مدلووا (جنوبی افریقہ) کے خلاف واک اوور ملا۔