مارکیٹمحمد اورنگزیب کی بینکاک میں برطانوی وزیر کرسٹی میک نیل سے ملاقات، معاشی اصلاحات پر تبادلہ خیال
بینکاک: وفاقی وزیرِ خزانہ و محصولات سینیٹر محمد اورنگزیب نے جمعہ کو برطانیہ کی وزیرِ برائے بین الاقوامی ترقی کرسٹی میک نیل سے ملاقات کی۔
تھائی لینڈ کے شہر بینکاک میں عالمی بینک گروپ اور آئی ایم ایف کے سالانہ اجلاسوں 2026ء کے موقع پر ہونے والی ملاقات میں معاشی اصلاحات، دوطرفہ تعاون اور موسمیاتی تبدیلیوں کے اثرات سے نمٹنے کی صلاحیت بڑھانے پر تبادلہ خیال ہوا۔
وزیرِ خزانہ نے مالیاتی استحکام، زرمبادلہ کے ذخائر میں اضافہ، خودمختار کریڈٹ ریٹنگ میں بہتری اور بین الاقوامی کیپٹل مارکیٹس تک پاکستان کی دوبارہ رسائی پر روشنی ڈالی۔
انہوں نے برآمدات پر مبنی نمو، ٹیکس اور ٹیرف اصلاحات، آئی ٹی برآمدات میں اضافے اور فری لانسرز کی مہارتوں کو بہتر بنانے کی اہمیت پر زور دیا۔
وزیرخزانہ نے ریمیٹ کے ذریعے برطانیہ کی معاونت اور ریفارمز فار گروتھ پروگرام کے لیے تعاون کو سراہا، جبکہ برٹش انٹرنیشنل انویسٹمنٹ کی جانب سے سرمایہ کاری کے بڑھتے ہوئے امکانات کا خیرمقدم کیا۔
ملاقات میں نجکاری، ہوائی اڈوں کے انتظام کو آئوٹ سورس کرنے اور ایوی ایشن کے شعبے میں تعاون بالخصوص ایئربس اور رولز رائس کے ساتھ ممکنہ اشتراک پر بھی گفتگو ہوئی۔
شرکا نے شمسی توانائی کے استعمال میں اضافے، بیٹری سٹوریج، بجلی کے ترسیلی نظام کی پائیداری اور توانائی کی منتقلی کے لیے برطانیہ کی تکنیکی معاونت کے امکانات کا جائزہ لیا۔
فریقین نے موسمیاتی مالی معاونت تک آسان رسائی اور قابلِ سرمایہ کاری منصوبوں کی تیاری کی اہمیت پر اتفاق کیا۔ وزیرِ خزانہ نے آفات سے نمٹنے کی تیاری اور برِج اقدام کے بارے میں بھی آگاہ کیا۔
مزید پڑھیں: کاروبار
چار ماہ میں ملک کا تجارتی خسارہ 14 ارب 63 کروڑ ڈالر تک پہنچ گیا
ایران تنازع کے حل کی امید، پاکستان اسٹاک ایکسچینج میں تیزی؛ انڈیکس 1454 پوائنٹس بڑھ گیا
آئندہ سال سے بجلی کے بنیادی ٹیرف میں ایک روپے سے زائد اضافے کا امکان
پیٹرول 5 روپے 45 پیسے اور ڈیزل 3 روپے 68 پیسے فی لیٹر سستا
ریفائنریوں کا پیٹرول کے نئے نرخ فارمولے کی واپسی کا مطالبہ، 49.02 روپے فی لیٹر کی کٹوتی پر احتجاج
دو سال میں سندھ کا بیرونی قرضہ سب سے زیادہ بڑھا، پنجاب کا حجم سب سے بلند
اکتوبر میں مہنگائی کی سالانہ شرح 9.61 فیصد تک پہنچ گئی
پیٹرولیم لیوی میں 10 سے 15 روپے فی لیٹر کمی کا امکان، نیا فارمولا جاری
ریٹیلرز ٹیکس اسکیم ناکام، نان فائلرز کے خلاف سخت کارروائی کا فیصلہ
بائنانس سے 6.3 ارب ڈالر کی کرپٹو چوری، شمالی کوریا کے ہیکرز پر شبہ
سونا ایک ہی دن میں 10 ہزار 800 روپے سستا، فی تولہ 4 لاکھ 9 ہزار 736 روپے
