پاکستان سمیت 12 ممالک کی شمال مغربی شام میں اسرائیلی فضائی حملے کی شدید مذمت

مشترکہ بیان میں اسرائیلی حملوں کو اشتعال انگیزی اور شام کی خودمختاری و علاقائی سالمیت کی کھلی خلاف ورزی قرار دیا گیا ہے۔

وزرائے خارجہ نے شام کے علاقوں اور بنیادی ڈھانچے کو مسلسل نشانہ بنانے پر گہری تشویش کا اظہار کرتے ہوئے کہا کہ اسرائیل کی مسلسل خلاف ورزیاں کشیدگی میں مزید اضافے کا باعث بن سکتی ہیں۔

اعلامیے میں عالمی برادری سے شام کے خلاف جاری جارحیت کے معاملے پر مضبوط اور واضح موقف اختیار کرنے کا مطالبہ کیا گیا ہے۔

اعلامیے کے مطابق شام کی خودمختاری، آزادی، علاقائی سالمیت اور سیاسی وحدت کا احترام ناگزیر ہے۔