کمرشل قرض کی رقم موصول، ملکی زرمبادلہ ذخائر میں ایک ارب 18 کروڑ ڈالر اضافہ

اسٹیٹ بینک کے مطابق مرکزی بینک کے زرمبادلہ ذخائر 17 ارب 11 کروڑ ڈالر سے بڑھ کر 18 ارب 32 کروڑ 82 لاکھ ڈالر ہوگئے ہیں۔

دوسری جانب کمرشل بینکوں کے زرمبادلہ ذخائر میں 2 کروڑ 30 لاکھ ڈالر کی کمی ریکارڈ کی گئی، جس کے بعد یہ ذخائر 5 ارب 38 کروڑ 76 لاکھ ڈالر پر آگئے۔

اعداد و شمار کے مطابق ملکی مجموعی زرمبادلہ ذخائر ایک ارب 18 کروڑ 80 لاکھ ڈالر اضافے کے بعد 23 ارب 71 کروڑ 58 لاکھ ڈالر کی سطح پر پہنچ گئے ہیں۔