غالب: کوئی امید بر نہیں آتی

مرزا اسد اللہ بیگ خاں غالب (1797–1869)²

پس منظر

مایوسی کے موضوع پر یہ غالب کی مشہور ترین غزل ہے اور "موت کا ایک دن معین ہے، نیند کیوں رات بھر نہیں آتی" اردو کے سب سے زیادہ دہرائے جانے والے اشعار میں ہے¹۔ ہر شعر میں ردیف "نہیں آتی" ایک نئی محرومی کی طرف اشارہ کرتی ہے۔ مقطع میں شاعر اپنے آپ سے مخاطب ہو کر خود احتسابی کرتا ہے۔

غزل

کوئی امید بر نہیں آتیکوئی صورت نظر نہیں آتی

موت کا ایک دن معین ہےنیند کیوں رات بھر نہیں آتی

آگے آتی تھی حال دل پہ ہنسیاب کسی بات پر نہیں آتی

جانتا ہوں ثواب طاعت و زہدپر طبیعت ادھر نہیں آتی

ہے کچھ ایسی ہی بات جو چپ ہوںورنہ کیا بات کر نہیں آتی

کیوں نہ چیخوں کہ یاد کرتے ہیںمیری آواز گر نہیں آتی

داغ دل گر نظر نہیں آتابو بھی اے چارہ گر نہیں آتی

ہم وہاں ہیں جہاں سے ہم کو بھیکچھ ہماری خبر نہیں آتی

مرتے ہیں آرزو میں مرنے کیموت آتی ہے پر نہیں آتی

کعبہ کس منہ سے جاؤ گے غالبؔشرم تم کو مگر نہیں آتی

مشکل الفاظ

• بر نہیں آتی: پوری نہیں ہوتی
• معین: مقرر، طے شدہ
• ثواب: نیکی کا اجر
• طاعت و زہد: عبادت اور پرہیزگاری
• طبیعت ادھر نہیں آتی: دل اس طرف مائل نہیں ہوتا
• چارہ گر: علاج کرنے والا، طبیب
• آرزو: خواہش، تمنا