آزاد کشمیر کونسل کی 4 خالی نشستوں کیلئے کاغذات نامزدگی کل جمع ہونگے

امیدوار اپنے کاغذاتِ نامزدگی سیکرٹری الیکشن کمیشن کے پاس جمع کروائیں گے۔

‎پاکستان مسلم لیگ (ن) نے آزاد جموں و کشمیر کونسل کی چار میں سے تین نشستوں کیلئے اپنے امیدواروں کو نامزد کرنے کا فیصلہ کیا ہے۔

پارٹی ذرائع کے مطابق مظفرآباد سے چودھری منظور احمد، میرپور سے چودھری سعید اور باغ سے مشتاق احمد منہاس مسلم لیگ (ن) کے امیدوار ہوں گے۔

‎دوسری جانب پاکستان پیپلز پارٹی نے کونسل کی نشست کیلئے چودھری لطیف اکبر کو امیدوار نامزد کیا ہے۔

‎آزاد جموں و کشمیر کونسل کی چار خالی نشستوں پر انتخابات 12 اکتوبر 2026 کو ہوں گے جبکہ انتخابی عمل کے تحت امیدوار کل اپنے کاغذاتِ نامزدگی جمع کرائیں گے۔