حیدرآباد: کتے کے کاٹنے سے زخمی 11 سالہ بچہ سول اسپتال میں دم توڑ گیا، رواں سال چوتھی ہلاکت

حیدرآباد: حیدرآباد میں کتے کے کاٹنے سے زخمی 11 سالہ بچہ دوران علاج دم توڑ گیا۔ محکمہ صحت سندھ نے تصدیق کی ہے کہ بچہ سول اسپتال میں علاج کے دوران جان کی بازی ہار گیا۔

محکمہ صحت سندھ کے مطابق بچے کو دو ماہ قبل کتے نے بازو پر کاٹا تھا، لیکن اس نے گھر پر نہیں بتایا، جس کی وجہ سے بروقت ویکسینیشن نہ ہو سکی۔

محکمہ صحت سندھ نے مزید بتایا کہ چار روز قبل بچے میں ریبیز کی علامات ظاہر ہوئی تھیں، جس کے بعد اسے علاج کے لیے سول اسپتال لایا گیا تھا۔

واضح رہے کہ رواں سال کتے کے کاٹنے سے جاں بحق ہونے والے بچوں کی تعداد چار ہو گئی ہے۔