جعفر آباد: گورنمنٹ بوائز پرائمری سکول گوٹھ مبارک مینگل میں اضافی کلاس روم کا افتتاح

جعفر آباد: ڈپٹی کمشنر جعفر آباد خالد خان کے احکامات کی روشنی میں اسسٹنٹ کمشنر جھٹ پٹ دھیرج کالرہ اور ایڈیشنل ڈپٹی کمشنر جعفر آباد حضور بخش بگٹی نے محکمہ تعلیم کے اضافی کلاس رومز کے منصوبے کے تحت گورنمنٹ بوائز پرائمری سکول گوٹھ مبارک مینگل میں تعمیر کیے گئے اضافی کلاس روم کا افتتاح کر دیا۔

اس موقع پر تعلیمی سہولیات کی بہتری اور طلبہ کو معیاری تعلیمی ماحول فراہم کرنے کی اہمیت پر زور دیا گیا۔ اضافی کلاس روم کی تعمیر سے سکول میں تدریسی سرگرمیوں کے لیے مزید جگہ دستیاب ہوگی، جس سے طلبہ کو بہتر ماحول میں تعلیم حاصل کرنے اور اساتذہ کو تدریسی امور انجام دینے میں سہولت ملے گی۔

ضلعی انتظامیہ جعفر آباد کی جانب سے تعلیمی اداروں میں بنیادی سہولیات کی فراہمی اور تعلیمی نظام کو بہتر بنانے کے لیے اقدامات جاری ہیں، تاکہ علاقے کے بچوں کو بہتر تعلیمی مواقع مل سکیں۔

تصویر: بشکریہ ڈی جی پی آر بلوچستان