حب: ڈسٹرکٹ منیجر پی پی ایچ آئی ڈاکٹر مرشد دشتی کا بی ایچ یو مراد شاہیدی اور ڈام کا مانیٹرنگ دورہ

حب: وزیراعلیٰ بلوچستان میر سرفراز بگٹی کے وژن اور عوام کو معیاری بنیادی صحت کی سہولیات ان کی دہلیز پر فراہم کرنے کی صوبائی حکومت کی پالیسی کے تحت ڈسٹرکٹ منیجر پی پی ایچ آئی حب ڈاکٹر مرشد دشتی نے مانیٹرنگ اینڈ ایویلیوایشن (M&E) افسر کے ہمراہ بنیادی مراکز صحت (BHU) مراد شاہیدی اور ڈام کا تفصیلی مانیٹرنگ دورہ کیا۔

دورے کے دوران دونوں مراکز کی مجموعی فعالیت، سروس ڈیلیوری اور طبی سہولیات کا جائزہ لیا گیا، جبکہ طبی و معاون عملے کی حاضری، مریضوں کو فراہم کی جانے والی خدمات، ادویات کے اسٹاک اور دستیابی، ریکارڈ کیپنگ، رجسٹرز اور دیگر انتظامی امور کا بھی معائنہ کیا گیا۔

ڈاکٹر مرشد دشتی نے عملے کو ہدایت کی کہ مریضوں کو بروقت اور معیاری طبی سہولیات فراہم کی جائیں، ادویات کا مناسب اسٹاک برقرار رکھا جائے اور تمام ریکارڈز باقاعدگی سے مکمل اور اپ ڈیٹ رکھے جائیں۔ انہوں نے کہا کہ سروس ڈیلیوری کو مؤثر بنانا، عملے کی حاضری یقینی بنانا اور عوام کو بلا تعطل طبی سہولیات فراہم کرنا پی پی ایچ آئی کی ترجیحات میں شامل ہے، اور عملہ عوامی خدمت میں کسی غفلت یا کوتاہی سے گریز کرے۔

تصویر: بشکریہ ڈی جی پی آر بلوچستان