موسیٰ خیل: ڈپٹی ڈی ایچ او کا تحصیل کنگری کے مراکز صحت کا دورہ، ای پی آئی سائٹس کا معائنہ

موسیٰ خیل: ڈپٹی ڈی ایچ او ڈاکٹر نادر خان نے تحصیل کنگری کے مختلف بنیادی مراکز صحت میں قائم ای پی آئی فکسڈ سائٹس کا دورہ کیا۔ اس موقع پر ASV شیر زمان اور قیصر شاہ بھی ان کے ہمراہ تھے۔

دورے کے دوران بنیادی مراکز صحت کنگری، کوٹ خان محمد اور کشپان کا معائنہ کیا گیا۔ ڈپٹی ڈی ایچ او نے عملے کی حاضری چیک کی، ویکسین اسٹاک، ILR کی حالت و مینٹیننس اور کولڈ چین کے انتظامات کا جائزہ لیا اور ای پی آئی فکسڈ سائٹس کے ریکارڈ اور دستاویزات کی تکمیل دیکھی۔

جاری 16 روزہ آؤٹ ریچ سرگرمیوں کا بھی جائزہ لیا گیا، فیلڈ میں تعینات ویکسینیٹرز کی حاضری اور متعلقہ دستاویزات چیک کی گئیں اور سرگرمیوں کا فالو اپ لیا گیا۔

ڈاکٹر نادر خان نے ہدایت کی کہ بچوں کی ویکسینیشن کا عمل مزید مؤثر بنایا جائے اور ویکسین کی مناسب نگہداشت، کولڈ چین کی بحالی، اسٹاف کی حاضری اور ریکارڈ کی بروقت تکمیل یقینی بنائی جائے تاکہ ای پی آئی پروگرام کے اہداف حاصل کیے جا سکیں۔

تصویر: بشکریہ ڈی جی پی آر بلوچستان