نارتھ ڈیرہ بگٹی: ضلعی پولیو کمیٹی کا اجلاس، نومبر کی پولیو مہم کی تیاریوں کا جائزہ

نارتھ ڈیرہ بگٹی: ڈپٹی کمشنر نارتھ ڈیرہ بگٹی کی زیرِ صدارت ڈسٹرکٹ پولیو ایریڈیکیشن کمیٹی (DPEC) کا اجلاس منعقد ہوا، جس میں ڈسٹرکٹ ہیلتھ آفیسر، پولیس، پبلک ہیلتھ انجینئرنگ، محکمہ زراعت، سماجی بہبود اور محکمہ صحت کے متعلقہ افسران نے شرکت کی۔

اجلاس میں نومبر کے پہلے ہفتے شروع ہونے والی پولیو مہم کی تیاریوں اور مؤثر منصوبہ بندی کا جائزہ لیا گیا۔ اس عزم کا اظہار کیا گیا کہ پولیو کے خاتمے اور بچوں کو معمول کے حفاظتی ٹیکے لگانے کے لیے تمام متعلقہ محکمے مشترکہ ذمہ داری ادا کریں گے تاکہ کوئی بچہ حفاظتی قطرے اور ویکسین سے محروم نہ رہے۔

تصویر: بشکریہ ڈی جی پی آر بلوچستان