ڈپٹی کمشنر دکی فضل الرحمن کبدانی کا بی ایس ڈی آئی فیز III منصوبوں کے مقامات کا معائنہ، جلد کام شروع کرنے کی ہدایت

دکی: ڈپٹی کمشنر دکی فضل الرحمن کبدانی نے ایس پی دکی منصور احمد بزدار کے ہمراہ بی ایس ڈی آئی پروگرام فیز III کے تحت منظور شدہ مختلف ترقیاتی منصوبوں کے لیے مختص مقامات کا تفصیلی معائنہ کیا۔ اس موقع پر انہوں نے قائداعظم مونومنٹ چوک، مسجد روڈ اور ٹیکسی اسٹینڈ عیدگاہ روڈ کے مقامات کا جائزہ لیا۔

ڈپٹی کمشنر نے متعلقہ حکام کو ہدایت کی کہ منظور شدہ ترقیاتی منصوبوں پر عملی کام جلد از جلد شروع کیا جائے اور تمام ضروری تقاضے بروقت مکمل کیے جائیں۔ انہوں نے کہا کہ منصوبوں کی بروقت تکمیل کے ساتھ تعمیراتی کام میں معیار اور مقررہ ڈیزائن و منصوبہ بندی کو بھی ملحوظِ خاطر رکھا جائے۔

انہوں نے مزید ہدایت کی کہ منصوبوں پر کام کی پیش رفت کی باقاعدگی سے نگرانی کی جائے تاکہ BSDI فیز III کے منصوبے مقررہ مدت میں مکمل ہوں اور شہریوں کو بہتر شہری سہولیات فراہم کی جا سکیں۔

تصویر: بشکریہ ڈی جی پی آر بلوچستان