کوئٹہ: سرہ غرگئی میں مجوزہ اسپورٹس کمپلیکس کی زمین کا ایڈیشنل ڈپٹی کمشنر ریونیو نے معائنہ کیا

کوئٹہ: وزیر اعلیٰ بلوچستان میر سرفراز بگٹی کے احکامات اور ڈپٹی کمشنر کوئٹہ مہر اللہ بادینی کی ہدایت پر ایڈیشنل ڈپٹی کمشنر (ریونیو) کوئٹہ حافظ محمد طارق نے تحصیلدار سب ڈویژن صدر کریم بگٹی اور محکمہ مال کے دیگر افسران و اہلکاروں کے ہمراہ سرہ غرگئی میں بننے والے مجوزہ اسپورٹس کمپلیکس کی جگہ کا دورہ کیا۔

افسران نے اسپورٹس کمپلیکس کے لیے مختص زمین کا موقع پر معائنہ اور جانچ پڑتال کی، جبکہ زمین کی حدود اور ریکارڈ سے متعلق امور کا بھی جائزہ لیا گیا۔

ایڈیشنل ڈپٹی کمشنر (ریونیو) نے متعلقہ عملے کو زمین کی مکمل جانچ پڑتال اور ضروری ریکارڈ کی تکمیل یقینی بنانے کی ہدایت کی۔

تصویر: بشکریہ ڈی جی پی آر بلوچستان