اورماڑہ: کوہ بن محلہ کے سرکاری پرائمری اسکول کی اراضی پر غیر قانونی چار دیواری مسمار، زمین واگزار

اورماڑہ: ڈپٹی کمشنر گوادر نقیب اللہ کاکڑ کی ہدایات اور اسسٹنٹ کمشنر اورماڑہ ڈاکٹر ماہ نور برکت کی نگرانی میں تحصیلدار اورماڑہ نور خان بلوچ نے گورنمنٹ بوائز پرائمری اسکول کوہ بن محلہ کی سرکاری اراضی پر ناجائز قبضے اور غیر قانونی تعمیرات کے خلاف کارروائی کی اور اسکول کی زمین پر قائم غیر قانونی چار دیواری مسمار کرکے اراضی واگزار کرا لی۔

اس موقع پر سرکاری و تعلیمی اداروں کی اراضی کو تجاوزات سے محفوظ رکھنے اور غیر قانونی قبضوں کی روک تھام کے لیے انتظامیہ کی جانب سے مؤثر اقدامات کا سلسلہ جاری رکھنے پر زور دیا گیا۔

متعلقہ اہلکاروں کو اسکول کی اراضی کی حدود کی نگرانی اور مستقبل میں کسی بھی قسم کی تجاوزات کی روک تھام یقینی بنانے کی ہدایت بھی کی گئی۔

تصویر: بشکریہ ڈی جی پی آر بلوچستان