ڈپٹی کمشنر قلعہ سیف اللہ ساگر کمار کا سٹی، خاصور اور سامخیال ڈیم سمیت آبپاشی منصوبوں کا جائزہ

قلعہ سیف اللہ: ڈپٹی کمشنر ساگر کمار نے ایکسین ایریگیشن اعظم کاکڑ کے ہمراہ ضلع قلعہ سیف اللہ میں جاری مختلف آبپاشی اسکیموں کی پیش رفت کے حوالے سے تفصیلی بات چیت کی۔

ملاقات کے دوران سٹی ڈیم، خاصور ڈیم اور سامخیال ڈیم سمیت دیگر جاری آبپاشی منصوبوں کے تعمیراتی کام، موجودہ صورتحال اور پیش رفت کا جائزہ لیا گیا۔ ڈپٹی کمشنر نے منصوبوں کی تکمیل، کام کی رفتار اور درپیش مسائل کے بارے میں معلومات حاصل کیں، جبکہ اسکیموں کو بروقت مکمل کرنے، تعمیراتی معیار برقرار رکھنے اور عوام کو بہتر آبپاشی سہولیات فراہم کرنے پر بھی گفتگو ہوئی۔

ایکسین ایریگیشن اعظم کاکڑ نے جاری منصوبوں کی پیش رفت اور مختلف اسکیموں کی تفصیلات سے آگاہ کیا۔ ڈپٹی کمشنر نے ہدایت کی کہ جاری ترقیاتی کاموں کی مؤثر نگرانی کرتے ہوئے انہیں مقررہ مدت میں مکمل کرنے کے لیے تمام ممکنہ اقدامات کیے جائیں۔

تصویر: بشکریہ ڈی جی پی آر بلوچستان