تمبو خانکوٹ میں سڑک کنارے دفن 30 کلو بارودی مواد ناکارہ، دہشت گردی کی کوشش ناکام

ڈیرہ مراد جمالی: تمبو خانکوٹ کے علاقے میں دہشت گردی کا منصوبہ ناکام بنا دیا گیا۔ سڑک کنارے نصب بارودی مواد کو ناکارہ بنا دیا گیا۔

پولیس کے مطابق خان کوٹ تھانے کی حدود میں میر لیاقت عمرانی کی زرعی اراضی کے قریب سڑک کنارے بارودی مواد نصب ہونے کی اطلاع ملی تھی۔

اطلاع پر پولیس اور سیکیورٹی فورسز نے مشترکہ کارروائی کی اور زیر زمین دفن تیس کلو دھماکہ خیز مواد کو ناکارہ بنا دیا، جس سے علاقہ بڑی تباہی سے بچ گیا۔

واقعے کا مقدمہ خان کوٹ تھانے میں نامعلوم دہشت گردوں کے خلاف درج کر کے تحقیقات شروع کر دی گئی ہیں۔