ایم ڈی کیٹ میں بلوچستان بھر میں پہلی پوزیشن: گورنر مندوخیل کا ولی اللہ ترین کو لیپ ٹاپ دینے کا اعلان

کوئٹہ: گورنر بلوچستان جعفر خان مندوخیل نے ایف ایس سی کے طالب علم ولی اللہ ترین ولد عین الدین کی ایم ڈی کیٹ میں شاندار کامیابی کو سراہتے ہوئے ان کی حوصلہ افزائی کی اور انہیں لیپ ٹاپ دینے کا اعلان کیا۔

ڈسٹرکٹ پشین سے تعلق رکھنے والے ولی اللہ ترین نے میڈیکل اینڈ ڈینٹل کالج ایڈمیشن ٹیسٹ (MDCAT BUHMS University) میں 91 فیصد نمبر حاصل کرکے بلوچستان میں پہلی پوزیشن حاصل کی ہے۔

گورنر نے فرسٹ پوزیشن ہولڈر کی محنت، لگن اور تعلیمی قابلیت کو سراہتے ہوئے کہا کہ نوجوانوں کی غیر معمولی کامیابیاں نہ صرف ان کے والدین اور اساتذہ کے لیے باعثِ فخر ہیں بلکہ دوسرے طالب علموں کے لیے بھی مشعلِ راہ ہیں۔

تصویر: بشکریہ ڈی جی پی آر بلوچستان