سوراب میں گیس اور بجلی کی قلت و لوڈشیڈنگ پر اجلاس، شہریوں کو ریلیف دینے کے اقدامات پر غور

سوراب: ڈپٹی کمشنر سوراب صاحبزادہ نجیب اللہ کی ہدایت پر ایڈیشنل ڈپٹی کمشنر سوراب سلمان علی بلیدی کی زیر صدارت گیس اور بجلی کی حالیہ قلت اور لوڈشیڈنگ کے حوالے سے اہم اجلاس منعقد ہوا۔

اجلاس میں اسسٹنٹ کمشنر سوراب شئے اکبر علی بلوچ، سپرنٹنڈنٹس فضل محمد قمبرانی اور عبدالصمد ساسولی، تحصیلدار محمود احمد کرد، نائب تحصیلدار ایوب حسنی، ایس ڈی او واپڈا شکر اللہ اور گیس نمائندہ انجینئر شیر احمد قمبرانی سمیت دیگر متعلقہ افسران نے شرکت کی۔

اجلاس میں گیس و بجلی کی قلت اور لوڈشیڈنگ سے شہریوں کو درپیش مشکلات کا جائزہ لیتے ہوئے مسائل کے فوری حل اور عوام کو ریلیف فراہم کرنے کے اقدامات پر غور کیا گیا۔

تصویر: بشکریہ ڈی جی پی آر بلوچستان