سیوی تا تلی شاہراہ کی بروقت تکمیل کی ہدایت، کمشنر سیوی کو کیسکو کی لوڈشیڈنگ پر بریفنگ

سیوی (سبی): کمشنر سیوی ڈویژن عرفان اللہ خان کی زیرِ صدارت اجلاس میں کیسکو کے ایگزیکٹو انجینئر نے بجلی کی فراہمی، لوڈشیڈنگ کے شیڈول اور دیگر متعلقہ امور پر بریفنگ دی، اور بجلی سے متعلق عوامی مسائل پر تبادلۂ خیال کیا گیا۔

بعد ازاں اجلاس کو سیوی تا تلی شاہراہ کے اہم ترقیاتی منصوبے پر تفصیلی بریفنگ دی گئی۔ ڈائریکٹر ڈویلپمنٹ اور ڈپٹی پراجیکٹ ڈائریکٹر نے منصوبے کی پیش رفت اور تعمیراتی امور سے آگاہ کیا۔

کمشنر عرفان اللہ خان نے ہدایت کی کہ شاہراہ کی تعمیر میں معیار پر کوئی سمجھوتہ نہ کیا جائے اور منصوبہ مقررہ مدت میں مکمل کیا جائے تاکہ عوام کو بہتر سفری سہولیات میسر آئیں۔ انہوں نے کہا کہ منصوبے کے فنڈز کے اجرا کے لیے متعلقہ اعلیٰ حکام کو مراسلہ بھیجا جائے گا تاکہ ترقیاتی کام مزید تیز ہو سکیں۔

تصویر: بشکریہ ڈی جی پی آر بلوچستان