موسیٰ خیل: 2 نومبر سے انسدادِ پولیو مہم، ڈپٹی کمشنر عبدالرزاق خجک کی زیر صدارت تیاریوں کا جائزہ

موسیٰ خیل: ڈپٹی کمشنر موسیٰ خیل عبدالرزاق خجک کی زیرِ صدارت ضلع بھر میں 02 نومبر سے شروع ہونے والی انسدادِ پولیو مہم کے انتظامات اور تیاریوں کے جائزے کے لیے اجلاس منعقد ہوا۔

اجلاس میں ایڈیشنل ڈپٹی کمشنر جنرل محمد جہانزیب، ڈسٹرکٹ ہیلتھ آفیسر ڈاکٹر مجیب الرحمن بگٹی، ڈسٹرکٹ پولیو آفیسر، ڈسٹرکٹ منیجر پی پی ایچ آئی سید امان شاہ اور لائن ڈیپارٹمنٹس کے سربراہان نے شرکت کی۔ ڈسٹرکٹ ہیلتھ آفیسر اور عالمی ادارۂ صحت کے نمائندے نے مہم کے مائیکرو پلان اور سکیورٹی روٹ پر بریفنگ دی۔

ڈپٹی کمشنر نے کہا کہ پولیو کا خاتمہ ہماری قومی و اخلاقی ذمہ داری ہے جس میں کسی غفلت برداشت نہیں کی جائے گی، اور مقصد موسیٰ خیل کے پانچ سال سے کم عمر تمام بچوں کو قطرے پلانا ہے۔

انہوں نے ہدایت کی کہ تمام یو سی ایم اوز انکاری والدین کو راغب کرنے کے لیے علماء کرام اور علاقائی معتبرین کا تعاون حاصل کریں، فیلڈ ٹیموں کو سکیورٹی و لاجسٹکس کی تمام سہولیات فراہم کی جائیں اور افسران خود فیلڈ میں رہ کر مہم کی نگرانی کریں۔ انہوں نے عوام سے اپیل کی کہ وہ اپنے بچوں کے معذوری سے پاک مستقبل کے لیے پولیو ٹیموں سے مکمل تعاون کریں۔

تصویر: بشکریہ ڈی جی پی آر بلوچستان