میر چاکر خان رند یونیورسٹی سیوی میں ویٹنگ ہال اور پارکنگ شیڈ کے منصوبوں کا افتتاح

سیوی: بلوچستان اسپیشل ڈویلپمنٹ انیشی ایٹو (BSDI) 2026-27 کے تحت میر چاکر خان رند یونیورسٹی سیوی میں دو اہم ترقیاتی منصوبوں کا افتتاح کمانڈنٹ سیوی اسکاؤٹس کرنل منیر احمد سلطان اور ڈپٹی کمشنر سیوی میجر (ر) الیاس کبزئی نے کیا۔ اس موقع پر وائس چانسلر پروفیسر ڈاکٹر ممتاز علی بلوچ سمیت متعلقہ افسران بھی موجود تھے۔

ایس ڈی او اربن پلاننگ اینڈ ڈویلپمنٹ محمد حنیف نے بریفنگ میں بتایا کہ یونیورسٹی میں ویٹنگ ہال کی تعمیر پر 3 کروڑ 50 لاکھ روپے لاگت آئے گی، جس میں 20 کلوواٹ سولر سسٹم اور 6 ایئر کنڈیشنرز بھی فراہم کیے جائیں گے۔

دوسرے منصوبے کے تحت پارکنگ شیڈ اور ٹف ٹائلز کی تنصیب کی جائے گی جس پر 1 کروڑ روپے لاگت آئے گی، اور پارکنگ شیڈ میں تقریباً 50 گاڑیوں کی گنجائش ہوگی۔ ایس ڈی او کے مطابق دونوں منصوبوں پر کام جاری ہے اور ان کی تکمیل سے طلبہ و طالبات کو انتظار اور پارکنگ کی بہتر سہولیات میسر ہوں گی۔

کمانڈنٹ سیوی اسکاؤٹس اور ڈپٹی کمشنر سیوی نے جاری کام کا جائزہ لیتے ہوئے تعمیراتی معیار اور بروقت تکمیل یقینی بنانے کی ہدایت کی۔

تصویر: بشکریہ ڈی جی پی آر بلوچستان