ڈپٹی کمشنر قلعہ عبداللہ منور حسین مگسی کی زیرِ صدارت ڈسٹرکٹ ہیلتھ کمیٹی کا اجلاس، طبی سہولیات کا جائزہ

قلعہ عبداللہ: ڈپٹی کمشنر قلعہ عبداللہ منور حسین مگسی کی زیرِ صدارت ڈسٹرکٹ ہیلتھ کمیٹی (DHC) کا اجلاس منعقد ہوا، جس میں ضلع بھر میں صحت کے شعبے کی کارکردگی، سرکاری ہسپتالوں، بنیادی مراکز صحت (BHUs)، رورل ہیلتھ سینٹرز (RHCs) اور پی پی ایچ آئی کے زیرِ انتظام مراکز میں طبی سہولیات، ادویات کی دستیابی، طبی عملے کی حاضری اور دیگر امور کا جائزہ لیا گیا۔

اجلاس میں ڈسٹرکٹ ہیلتھ آفیسر ڈاکٹر عبدالسلام کھوسو، ایم ایس ڈی ایچ کیو ہسپتال ڈاکٹر عبدالغفار کاکڑ، پی پی ایچ آئی کے ڈسٹرکٹ منیجر ضیاء الرحمان اور دیگر متعلقہ افسران نے شرکت کی۔

ڈپٹی کمشنر منور حسین مگسی نے ہدایت کی کہ تمام صحت مراکز میں معیاری طبی سہولیات، ادویات کی دستیابی، طبی عملے کی حاضری، صفائی کے مؤثر انتظامات اور مریضوں کے ساتھ خوش اخلاقی کو ہر صورت یقینی بنایا جائے تاکہ عوام کو بروقت اور بہتر طبی خدمات فراہم کی جا سکیں۔

تصویر: بشکریہ ڈی جی پی آر بلوچستان