یونیورسٹی آف گوادر کے زولوجی طلبہ کا فشریز، محکمہ جنگلات و جنگلی حیات اور فش ہاربر کا مطالعاتی دورہ

گوادر: یونیورسٹی آف گوادر کے شعبہ زولوجی کے زیر اہتمام طلبہ نے فشریز اینڈ کوسٹل ڈویلپمنٹ ڈیپارٹمنٹ گوادر، محکمہ جنگلات و جنگلی حیات اور گوادر فش ہاربر کا مطالعاتی دورہ کیا، جس کا مقصد انہیں زولوجی کے نظریاتی علم کے عملی اطلاق، سمندری و آبی وسائل، حیاتیاتی تنوع، جنگلی حیات کے تحفظ اور ماحولیاتی پائیداری سے روشناس کرانا تھا۔

شعبہ زولوجی کی انچارج عتیقہ بلوچ اور فیکلٹی ممبر سمیعہ کریم کی قیادت میں طلبہ نے فشریز مینجمنٹ، پائیدار ماہی گیری، بلیو اکانومی، جنگلی حیات کے تحفظ اور ماحولیاتی نظام کے انتظام پر عملی معلومات حاصل کیں۔ فشریز اینڈ کوسٹل ڈویلپمنٹ میں اسسٹنٹ ڈائریکٹر صغیر زمان، شاہ فہد اور عملے نے فشریز کے انتظام اور پیشہ ورانہ مواقع پر بریفنگ دی، جبکہ محکمہ جنگلات و جنگلی حیات میں ڈپٹی کنزرویٹر اسداللہ نے حیاتیاتی تنوع، ماحولیاتی تحفظ اور شجرکاری کی اہمیت بتائی۔ اس موقع پر طلبہ میں پودے بھی تقسیم کیے گئے۔

گوادر منی پورٹ/فش ہاربر میں انجینئر لیاقت بلوچ نے طلبہ کو مچھلی کی لینڈنگ، ہینڈلنگ، نیلامی اور مارکیٹنگ کے عملی مراحل سے آگاہ کیا۔ یونیورسٹی انتظامیہ کے مطابق یہ دورہ حکومتی تعلیمی پالیسی کے تحت عملی و تجرباتی تعلیم کے فروغ کی جانب اہم قدم ہے، جس سے طلبہ میں سائنسی مشاہدے، عملی مہارت اور پیشہ ورانہ استعداد کو فروغ ملتا ہے۔ جامعہ نے متعلقہ محکموں کے تعاون اور رہنمائی پر شکریہ ادا کیا۔

تصویر: بشکریہ ڈی جی پی آر بلوچستان