ڈپٹی کمشنر قلات عائشہ زہری کا بی ایس ڈی آئی ترقیاتی اسکیمات کا معائنہ: ناقص میٹریل برداشت نہیں

قلات: ڈپٹی کمشنر قلات انجینئر عائشہ زہری نے بلوچستان اسپیشل ڈیولپمنٹ انیشیٹو (BSDI) کے تحت منظور شدہ ترقیاتی اسکیمات کا معائنہ کرنے کے لیے مینگل آباد، کوئنگ، شادیزئی اور سبزی منڈی کا دورہ کیا۔

اسسٹنٹ ڈائریکٹر لوکل گورنمنٹ سعید احمد ساسولی اور چیف آفیسر میونسپل کمیٹی خالق آباد عبدالوہاب نیچاری نے سیوریج سسٹم، اسٹریٹ لائٹس اور ٹف ٹائلز کی تنصیب سمیت جاری اسکیمات پر بریفنگ دی۔

ڈپٹی کمشنر نے کاموں کی رفتار، تعمیراتی میٹریل کے معیار اور عمل درآمد کا جائزہ لیا اور ہدایت کی کہ اسکیمات بروقت مکمل کی جائیں اور معیار پر کوئی سمجھوتہ نہ ہو۔ انہوں نے کہا کہ عوام کو بنیادی شہری سہولیات کی فراہمی ضلعی انتظامیہ کی اولین ترجیح ہے اور ناقص میٹریل کا استعمال کسی صورت برداشت نہیں کیا جائے گا۔

انہوں نے اسسٹنٹ ڈائریکٹر لوکل گورنمنٹ کو ہدایت کی کہ ٹھیکیداروں کو کام کی رفتار تیز کرنے اور معیار برقرار رکھنے کا پابند بنایا جائے اور جاری منصوبوں کی باقاعدہ نگرانی یقینی بنائی جائے۔

تصویر: بشکریہ ڈی جی پی آر بلوچستان